ORDE do 5 de abril de 2013 pola que se regulan as probas para a obtención dos títulos de técnico e de técnico superior de ciclos formativos de formación profesional dos establecidos ao abeiro da Lei orgánica 2/2006, do 3 de maio, de educación.

Os centros realizarán a baixa de oficio da matrícula da proba cando unha persoa matriculada non asista inxustificadamente á xornada de acollemento a que se refire o artigo 22.2 ou a calquera das partes en que se organiza a proba de cada módulo profesional.

IMPORTANTE: Tanto para a xornada de acollemento como para as probas, as persoas aspirantes deberan levar consigo o documento que acredite a sua identidade.

As Validacións e as puntuacións das probas plublicaranse no Taboleiro de Anuncios do centro.

CIFP Politécnico Lugo -  FP Innova 2018

Durante os pasados días 25, 26 e 27 de Abril, a Consellería de Cultura, Educación e Ordenación Universitaria, celebrou o FP Innova Galicia 2018, o III Congreso de Innovación na Formación Profesional, na Cidade da Cultura de Galicia.

O congreso contou cunha zona expositiva de 4.100 m², onde as persoas visitantes poideron coñecer:

• A investigación e a innovación que os centros de formación profesional de Galicia están a desenvolver en colaboración con empresas e institucións, a través da visualización en directo dos 30 proxectos de innovación que se presentan e que abranguen as tecnoloxías máis punteiras do mercado.
• A innovación ligada ao emprendemento, representada nunha mostra de 17 proxectos empresariais de miniempresas que o alumnado e o profesorado puxeron en marcha, no marco do Plan de Emprendemento no Sistema Educativo de Galicia, eduemprende.   

 Como nas convocatorias anteriores o CIFP Politécnico de Lugo, participou tanto con Proxectos de Innovación como de Miniempresas. 

PROXECTOS DE INNOVACIÓN

CELULA AUTOMATIZADA

CELULA AUTOMATIZADA: Tratase dunha liña de produción a escala, totalmente automatizada de fabricación de cubos, con acceso remoto, comunicacións industriais, sistema de visión artificial, almacen vertical, pick & place, etc.

CENTRAL MODULADA: Sistema de regulación automática para a aplicación a unha central de aspiración centralizada que se emprega  no taller de próteses dentais.

Deseño e creación dun prototipo materializado nunha instalación que permita dar soporte vital en situacións de risco previsible, adaptable a espazos reducidos pero dotado dos medios adecuados de emerxencia para que o persoal coa formación adecuada poida prestar servizo de asistencia sanitaria en situacións de risco especial. 

 Deseño e confección de calcetíns luminescentes para nenos e nenas que permitan pisar, andar e correr directamente polo chan do fogar, e que transmitan unha sensación de liberdade para os pés. Están equipados con tecnoloxía de iluminación LED e sensores de activación por movemento que prenden o circuíto cando detectan o dinamismo. 

 Deseño e fabricación de táboas para patinar longas (longboard) e patinetes elaborados a partir dunha selección de madeiras nobres (freixo, nogueira, sapeli, etc.). . Por petición da clientela, os produtos poderán levar un gravado personalizado (nome, logo, escudo, etc.) deseñado nun contorno CAD/CAM e realizado mediante un proceso de fabricación CNC.

 Indicar o alto nivel das propostas alí levadas, así como a visibilidade dada o noso centro nesta edición de FPInnova: PARABENS !!! a todo o equipo de Innovación do Centro, e o profesorado e alumnado que colaborou nesta aventura.

CLAUSURA DO CONGRESO FPINNOVA 2018

GALERIA DE IMAXES